Os dous de sempre

by

Paperback, 252 pages

Galego language

Published Oct. 1, 2015 by Editorial Galaxia, S.A..

ISBN:
978-84-8288-741-8
Copied ISBN!
OCLC Number:
65460481

View on OpenLibrary

4 stars (1 review)

Graza, tenrura e melancolía nun libro no que Castelao plasma a súa visión esencial do pobo galego. Esta novela, publicada por primeira vez en 1934, converteuse, desde a súa recuperación por Galaxia en 1967, nun dos libros preferidos polos nosos lectores, que fixeron del unha das obras de máis difusión de toda a historia da literatura galega. É a historia de dous tipos universais, Pedriño e Rañolas, que encarnan dúas maneiras de ser de sempre. O primeiro, que ve o mundo desde a perspectiva da ra, sería quen de comer o seu pai polos pés. O segundo, que se fose rico andaría nun cabalo branco, ve o mundo desde a perspectiva alta do paxaro. Os dous de sempre é a única novela de Castelao.

1 edition

reviewed Os dous de sempre by Castelao (Biblioteca Castelao)

relectura dun clásico, neste ano de lembranza

4 stars

sempre é agradable volver a ler estes libros. Dalgún xeito conéctanme a unha realidade que, aínda non vivida en primeira persoa, forma parte da memoria colectiva real. Relata feitos acontecidos, narrados por quen os coñeceu en primeira persoa. Xa teño unha idade, así que expresións e lugares, costumes e tradicións, aínda perviven na memoria vivida. Non coñecín a fame, e meus pais evitárona de refilón (a memoria edulcora o pasado, sempre pensei) pero o traballo esclavo e a fame si estaban nas conversas cando neno.

O libro segue a peripecia vital de dúas persoas que traban amizade cando nenos, separados pola vida e o carácter, os seus camiños converxen novamente en circunstancias totalmente diferentes ás do comezo.

Ponme moi nervioso ler o relato de Pedriño, triggering, que lle din.