ghose 📚 reviewed Peregrino transparente by Juan Cárdenas
un libro de viaxes pola idiosincrasia, historia e natureza colombiana
4 stars
A novela está moi ben escrita, usa unha linguaxe coidada e nada presuntuosa. O autor non se fai un autohomenaxe. Axudaría á comprensión da novela, e a apreciala aínda máis, se coñecese tan siquera minimamente a historia política de Colombia no século XIX. Non é isto impedimento para desfrutala, se non unha oportunidade para aprender. Da trama, do narrado, non digo nada que non apareza na sinopse. Podería dicirse que é o caderno de viaxe dunha expedición xeográfica escrito a varias mans, estando unha delas no presente. Así como describe con precisión paraxes, a flora e a meteoroloxía, do mesmo xeito se aproxima ás diferentes persoas que atopan na expedición. A súa consideración como suxeitos de dereito é tema de debate na expedición e así se describe na novela. O estrato social, económico e político resulta tamén nun retrato paralelo ao anterior dando forma á reflexión subxacente sobre …
A novela está moi ben escrita, usa unha linguaxe coidada e nada presuntuosa. O autor non se fai un autohomenaxe. Axudaría á comprensión da novela, e a apreciala aínda máis, se coñecese tan siquera minimamente a historia política de Colombia no século XIX. Non é isto impedimento para desfrutala, se non unha oportunidade para aprender. Da trama, do narrado, non digo nada que non apareza na sinopse. Podería dicirse que é o caderno de viaxe dunha expedición xeográfica escrito a varias mans, estando unha delas no presente. Así como describe con precisión paraxes, a flora e a meteoroloxía, do mesmo xeito se aproxima ás diferentes persoas que atopan na expedición. A súa consideración como suxeitos de dereito é tema de debate na expedición e así se describe na novela. O estrato social, económico e político resulta tamén nun retrato paralelo ao anterior dando forma á reflexión subxacente sobre a propia condición humana e O Propósito que nos move. A novela merecía máis respeto e atención da miña parte, cunha lectura fragmentada. Así, non entendín en absoluto o sentido dalgunha pasaxe metafórica, de carácter onírico, un desvarío ascético 🙃 Merece atención.
